Aktivitetet e fundit
akropoliiri4

Panairi i Karrierës 1, Tiranë

akropoliiri8

Panairi i Karrierës 2, Tiranë

akropoliiri9

Panairi i Karrierës 3, Tiranë

fot-tir-16-04-23-thevoiceofacropolis2-nr,fot-tir-16-04-23-thevoiceofacropolis2-nr,fot-tir-16-04-23-thevoiceofacropolis2-nr,fot-tir-16-04-23-thevoiceofacropolis2-nr,fot-tir-16-04-23-thevoiceofacropolis2-nr,fot-tir-16-04-23-thevoiceofacropolis2-nr,fot-tir-16-04-23-thevoiceofacropolis2-nr,fot-tir-16-04-23-thevoiceofacropolis2-nr

Voice of Acropolis 2

VOICE OF ACROPOLIS 2 (KULTURË) Pak ditë më parë, Qendra Filozofike dhe Kulturore ''Akropoli i Ri'' organizoi aktivitetin ‘Voice of Acropolis 2’.  Një aktivitet muzikor me qëllimin e gjetjes së talenteve të reja. Nëpërmes Muzikës, Humorit dhe Kreativitetit pjesëmarrësit arritën të argëtohen dhe të pasurojnë mbrëmjen e tyre me Art dhe Kulturë. Juria vendosi 3 vendet e para si mëposhtë: 1. Xhoana Çela 2. Blenda Kuçuku 3. Juela Qamili Akropoli i Ri kёrkon tё sjellё njё vizion tё ri kulture: njё kulturё me vlera praktike dhe tё gjalla, e cila nxit audiencёn e saj pёr tё transformuar dhe pёrmirёsuar vetveten. Praktikimi i vlerave njerёzore ёshtё bazamenti i njё kulture aktive dhe pjesёmarrёse, e cila nxjerr nё pah cilёsitё e çdo personi, zgjeron horizontin e mendjes dhe e hap qёnien njerёzore kundrejt tё gjitha shprehjeve shpirtёrore. Ju mirëpresim në aktivitete të tjera, Qendra Filozofike dhe Kulturore, Akropoli i Ri Postuar me: 2016-05-02 15:49:52 Akropoli i Ri

akropoliiri4,akropoliiri8,akropoliiri5,akropoliiri9

Informim i të rinjve shqiptarë mbi Qendrën Filozofike dhe Kulturore A.R.

PANAIRI I KARRIERËS: Më datë 7 Prill, Qendra Filozofike & Kulturore Akropoli i Ri ishte pjesëmarrëse në Panairin e Karrierës, që u zhvillua në Fakultetin e Ekonomisë, Universiteti i Tiranës. Ky aktivitet ishte një mundësi për përfaqësuesit e Akropolit të Ri që t’i prezantonin të rinjve pjesmarrjen në 3 sektorë pranë kësaj Qendre: -FILOZOFI: Praktika mësimore, kurse Filozofie dhe Psikologjie në mënyrën praktike, panele diskutimesh me tematika të ndryshme, mësime mbi artin e të komunikuarit, botime artikujsh filozofik, studime krahasuese mbi filozofitë etj.  -KULTURË: Aktivitete Artistike si klube muzikore, workshope artistike, vizita të ndryshme në muze dhe  ekspozita, konkurse poetike, mësime mbi fotografinë. Aktivitete Kulturore si klube leximi, dokumentarë të ndryshëm, teatre, konferenca, aktivitete prezantuese për traditat e ndryshme. Aktivitete Edukative si trajnime të ndihmës së parë, mbrëmje lojrash, udhëtime kulturore. Aktivitete Sportive si klube vetëmbrojtjeje të arteve marciale, ekskursione në natyrën Shqiptare, hiking, kampe verore.   -VULLNETARIZËM: Pastrime ekologjike, aktivitete argëtuese dhe formuese për fëmijët në nevojë, dhurime gjaku, fushata solidarizuese, workshope mbi rëndësinë e vullnetarizmit, sigurimi i ushqimeve dhe veshjeve për fëmijët në nevojë etj.  Besojmë se njeriu përmirësohet dhe zhvillohet nëpërmjet aktivizmit mendor dhe fizik sëbashku me të tjerët, përtej barrierave kulturore, ideologjike apo fizike. Sot më shumë se kurrë është e nevojshme pjesmarrja në këto tre sektorë, pasi përmes tyre synojmë të promovojmë një shoqëri me vlera, e aftë ta lërë botën më të mirë se ç’e gjeti.  Qendra Filozofike & Kulturore Akropoli i Ri Ju mirëpresim! Postuar me: 2016-04-13 18:30:05

129330345621781772829348275914745356660933n

Dashuria e Diellit dhe Hënës...

Dashuria e Diellit dhe Hënës... Kur Dielli dhe Hëna u takuan për herë të parë, u dashuruan me shikim të parë. Bota ende nuk ishte krijuar dhe kur Krijuesi vendosi ta krijonte, i dha dritën e tyre. U vendos se Dielli do të ndriçonte ditën dhe Hëna natën. Por kështu do të mbeteshin të ndarë. Hëna pavarësisht shkëlqimit të saj filloi të izolohej dhe Dielli nga ana e tij, pavarësisht se kishte fituartitullin ''Mbret i Yjeve'' nuk ishte i lumtur. Krijuesi duke parë dëshpërimin që i kishte pushtuar, i ftoi dhe u shpjegoi se secili prej tyre kishte një shkëlqim të veçantë dhe se nuk duhej të ishin të dëshpëruar. Ti Hënë do të ndriçosh netëve dhe do të magjepsësh të dashuruarit. Ti Diell do t'i japësh shkëlqim Tokës gjatë ditës dhe ngrohtësi njerëzve dhe prezenca jote do t'i lumturojë ata.  Por Hëna u mërzit për fatin e saj dhe qau me dënesë. Dielli duke e parë që po vuante vendosi t'i jepte fuqi asaj dhe ta ndihmonte që të pranonte vendimin e Krijuesit. Megjithatë vendosi t'i kërkonte një nder Krijuesit. - O Krijuesi im, të lutem ndihmoje Hënën pasi është më e ndjeshme se unë dhe nuk e duron dot këtë vetmi. Atëherë për t'i ardhur në ndihmë, Krijuesi krijoi dhe i fali Hënës yjet. Sa herë që Hëna ndjen vetmi, shkon tek yjet që ta ngushëllojnë, të cilët bëjnë gjithçka që t'ia arrijnë, por kurrë nuk ja dalin. Deri në ditët e sotme jetojnë të ndarë. Dielli shtiret se është i lumtur dhe Hëna përpiqet të fshehë mërzitjen e saj. Thuhet se Krijuesi donte që Hëna të ishte gjithmonë e plotë dhe e ndritshme, por nuk ja doli dot... Pasi Hëna është femër dhe asnjë femër nuk mund të jetojë dot pa dashuri. Kur është e lumtur është e plotë, e mbushur dhe shkëlqen. Kur është e dëshpëruar është e përgjysmuar, e çerekëzuar dhe mezi shihet shkëlqimi i saj. Hëna dhe Dielli ndjekin fatin e tyre. Ai, i vetëm por i fuqishëm. Hëna në shoqërinë e yjeve, por e brishtë. Shumë të tjerë u munduan të fitonin zemrën e saj por nuk ja dolën. Disa vajtën që ta shihnin nga afër, por përsëri u kthyen me duar bosh. Kurrë askush nuk mundi ta sillte në Tokë dhe as të bëjë të dashurohej me dikë tjetër. Krijuesi vendosi atëherë që asnjë dashuri nuk është e pamundur, as edhe e Diellit me Hënën. Kështu krijoi eklipsin. Sot Dielli dhe Hëna, jetojnë duke pritur me padurim këtë moment. Momentin që ju dha dhe që ndodh kaq rrallë dhe zgjat kaq pak.  Tani e tutje kur të shohësh qiellin dhe të shohësh Diellin të mbulojë Hënën, ta dish se është momenti kur të dy përqafohen. Kjo vepër dashurie u quajt eklips. Është e rëndësishme të mbajmë mend se ky shkëlqim pasioni, është aq i madh saqë këshillohet të mos shohim nga qielli në atë moment, pasi sytë tanë mund të verbohen... duke parë kaq shumë dashuri... Postuar me: 2016-04-03 22:38:55

Rreth Nesh
Akropoli i Ri është një Organizëm Ndërkombëtar Kulturor dhe Filozofik që gjëndet në mbi më shumë se 60 shtete dhe mbledh më shumë se 20.000 anëtarë aktivë,
ashtu si edhe qindra mijra miq të cilët shprehen në më tepër se 20 gjuhë të ndryshme dhe përfaqsojnë një gamë të gjërë prejardhjesh kombëtare, besimesh fetare dhe trashëgimish kulturore, duke përbërë një shembull të mrekullueshëm mirëkuptimi dhe bashkëjetese sociale.
Copyright © Akropoli i Ri - Albania 2016 Na kontaktoni Artikuj Aktivitete Me se Merremi Rreth Nesh Kreu