• 57vitear
  • sv2014
  • fot-tir-14-06-22-solsticiveror-nr
  • mesimefilozofie
  • konferenca
  • kendojmesebashku
Aktivitetet e fundit
peru

Konkurs muzikor për fëmijë, Peru

olimpics-pic5

Aktivitete në Natyrë, Rusi

oinam-2009-020

Konferencë, Meksikë

106592379331049000503583399404089263898782n

Çdo njeri ka historinë e tij...

Çdo njeri ka historinë e tij... Një djalë i ri 24 vjeçar duke parë jashtë dritares së trenit thërriti : - Baba shiko, pemët po ikin mbrapsht!''... Babai i tij i buzëqeshi, ndërsa një cift që ishte ulur afër tyre filloi të tregonte se po ndjente mëshirë për sjelljen fëminore të djaloshit 24 vjeçar. Papritur djaloshi thërriti përsëri : - Baba shiko, retë po vrapojnë bashkë me ne! Çifti nuk arriti të përmbahej dhe i tha të atit të djaloshit: - Përse nuk e dërgoni djalin tuaj tek një mjek i mirë? Ai buzëqeshi dhe tha: - Atë bëra dhe sapo po kthehemi nga spitali. Djali im kishte lindur i verbër, por nga dita e sotme filloi të shikonte... Çdo njeri ka historinë e tij. Nëse do ta kemi këtë gjë parasysh përpara se të kritikojmë dikë, atëherë bota jonë do të bëhet shumë më e mirë. Postuar me: 2014-12-16 04:50:03

mbreti4grate

MBRETI DHE 4 GRATË E TIJ

Mbreti dhe 4 gratë e tij Na ishte një herë një mbret që kishte 4 gra. Gruan e katërt e donte më shumë se të tjerat. I blente veshje nga më të shtrenjtat dhe e trajtonte me përkujdesjen maksimale. Asaj i jepte më të mirën. Edhe gruan e tretë e donte shumë dhe e merrte me vete gjithnjë në vizitat që bënte në mbreteritë fqinje. Por gjithmonë kishte frikë se mos kjo e linte për një tjetër. Gjithashtu donte shumë edhe gruan e dytë. Ajo ishte e besuara e tij, ishte gjithmonë e sjellshme dhe shumë e duruar me të. Në çdo rast që Mbreti kishte nje problem, ai ia besonte asaj dhe ajo e ndihmonte që të kalonte vështirësitë. Gruaja e parë ishte shumë besnike dhe e kishte ndihmuar shumë në mbarëvajtjen e mbretërisë dhe popullit të tij. Gjithsesi Mbreti nuk e donte gruan e parë. Edhe pse ajo e donte shumë, ai gati nuk e vinte re fare atë.  Një ditë Mbreti u sëmur dhe e kuptoi se ditët që i kishin mbetur ishin të pakta. Ai solli ndërmend jetën e tij luksoze dhe mendoi: - Unë tani kam katër gra, por kur të vdes do të mbetem vetëm..." Megjithatë pyeti gruan e katërt: - Ty të kam dashur më shumë, të kam stolisur me veshjet më të shtrenjta dhe jam përkujdesur shumë për ty. Tani që po vdes, a do të perkujdesesh për mua dhe të më bësh shoqëri? - Në asnjë mënyrë", iu pergjigj ajo dhe u largua pa thënë asnjë fjalë tjetër. Kjo përgjigje si një thikë u ngul në zemrën e Mbretit.  I trishtuar Mbreti më pas pyeti gruan e tretë. - Të kam dashur gjithë jetën, tani që po vdes, a do të më ndjekësh dhe të më bësh shoqëri?  - Jo! - iu pergjigj ajo. Jeta është shumë e bukur. Pasi ti të vdesësh une do të rimartohem! Kjo përgjigje e bëri zemrën e Mbretit të fundosej. Më pas ai pyeti gruan e dytë. - Une kam ardhur gjithnjë për të kërkuar ndihmë tek ty, dhe ti gjithnjë më ke qëndruar pranë. Kur të vdes, a do të më ndjekësh dhe të më bësh shoqëri? - Më vjen keq por këtë herë nuk të ndihmoj dot. - iu përgjigj ajo. Maksimumi që mund të bëj për ty është të përkujdesem për varrimin tënd. Edhe kjo përgjigje e copëtoi zemrën e Mbretit dhe u ndje i braktisur.  Nga larg u dëgjua nje zë që i tha: - Unë do te vij me ty dhe do të të ndjek pavaresisht se ku do të shkosh. Mbreti ngriti kokën dhe aty pa gruan e tij të parë. Ajo dukej kaq e dobët pasi po vuante nga kequshqyerja dhe e kishte lënë veten pas dore. Shumë i hidhëruar Mbreti i tha: - Duhet të isha përkujdesur më shumë për ty kur e kisha mundesinë! E vërteta është se të gjithë kemi katër gra në jetën tonë. Gruaja jonë e katërt është trupi ynë... Pavarësisht se sa kohë shpenzojmë gjatë jetës tonë duke u përkujdesur dhe duke e bërë të duket bukur, kur të vdesim do të na lëjë. Gruaja jone e tretë është... pushteti, pasuria dhe statusi ynë shoqëror. Kur të vdesim i gjithi do të shkojë tek të tjerët.  Gruaja jonë e dytë është... familja dhe miqtë. Pavarësisht se sa afër kemi qënë gjatë jetës, kur të vdesim ndahemi prej tyre. Dhe gruaja jonë e parë është... shpirti ynë. Shpesh herë i neglizhuar pasi përqendrohemi tek pasuria, fuqia, pushteti dhe kënaqësitë e jetës. Por Shpirti ynë është e vetmja gjë që nuk na braktis kurrë... Postuar me: 2014-12-08 10:16:34

mesuesjapatatet

Mësuesja dhe patatet...

Mësuesja dhe patatet... Një mësuese vendosi që të luante një lojë në klasën e saj. U tha fëmijëve që secili prej tyre të sillte nga një qese me patate. Çdo patateje do t’i shkruante emrin e një prej personave që urrente. Kështu numri i patateve që do të fuste në qesen e tij varej nga numri i personave që urrente. Ditën tjetër çdo fëmi, solli me vete qesen me patate dhe në secilën prej tyre kishte shkruajtur emrin e personit që urrente. Disa fëmijë kishin 2 patate, të tjerë kishin 3 patate, disa kishin 5 dhe të tjerë akoma më shumë. Në vijim mësuesja u thotë nxënësve që duhet ta mbajnë me vete qesen me patate kudo që të shkojnë, akoma dhe në banjo, për disa ditë me radhë. Pas disa ditëve fëmijën filluan të ankoheshin si arsye e erës së keqe që linin patatet pasi disa prej tyre kishin filluar të kalbeshin. Madje ata që kishin shumë patate duhej të mbartnin dhe një peshë të rëndë. Disa ditë më vonë, loja mbaroi dhe fëmijët u çliruan nga pesha dhe nga era e keqe e patateve. Mësuesja i pyeti fëmijët: ‘’Si u ndjetë gjatë periudhës së lojës?’’. Fëmijët filluan në kor të ankoheshin për faktin se u duhej të mbartnin kudo me vete një qese me patate dhe madje nga një moment e tutje ishin dhe të kalbura që vinin erë të keqe. Në vijim mësuesja u shpjegoi kuptimin e fshehur të lojës. ‘’Pikërisht kjo gjë ndodh dhe brenda jush kur keni urrejtje për dikë në zemrën tuaj. Era e keqe e urrejtjes do të gjejë folenë në zemrën tuaj dhe peshën e saj do ta mbartni vazhdimisht me vete kudo që të shkoni. Nëse nuk mund të duroni erën e keqe të patateve të kalbura për vetëm pak ditë, mund të imagjinoni si është të keni erën e keqe të urrejtjes në shpirtin tuaj për një jetë të tërë. Postuar me: 2014-12-04 05:53:27

Rreth Nesh
Akropoli i Ri është një Organizëm Ndërkombëtar Kulturor dhe Filozofik që gjëndet në mbi më shumë se 60 shtete dhe mbledh më shumë se 20.000 anëtarë aktivë,
ashtu si edhe qindra mijra miq të cilët shprehen në më tepër se 20 gjuhë të ndryshme dhe përfaqsojnë një gamë të gjërë prejardhjesh kombëtare, besimesh fetare dhe trashëgimish kulturore, duke përbërë një shembull të mrekullueshëm mirëkuptimi dhe bashkëjetese sociale.
Copyright © Akropoli i Ri - Albania 2014 Na kontaktoni Artikuj Aktivitete Me se Merremi Rreth Nesh Kreu