Aktivitetet e fundit
peru

Konkurs muzikor për fëmijë, Peru

olimpics-pic5

Aktivitete në Natyrë, Rusi

oinam-2009-020

Konferencë, Meksikë

mangod

Hapi i parë drejt Perëndisë...

Hapi i parë drejt Perëndisë... Një njeri që po kërkonte Perëndinë ju afrua një njeriu të mençur dhe i tha: -Dua të gjej rrugën për tek Perëndia. Të lutem më ndihmo! I mençuri e pa me kujdes dhe ju përgjigj: - Më thuaj, a ke dashur ndonjëherë ndonjë njeri? - Nuk më interesojnë njerëzit. Unë dua të shkoj direkt tek Perëndia! - Të lutem kujtohu, a ke dashur me zemër ndonjëherë, ndonjë femër, fëmi po ndonjë njeri tjetër? - Unë të thashë se nuk jam një njeri i thjeshtë. Jam një njeri që po kërkon rrugën për të shkuar tek Perëndia. Të tjerat nuk më interesojnë fare. Nuk kam dashur kurrë asnjeri. Sytë e të mençurit u mbushën me një trishtim të thellë. Në vijim ju përgjigj njeriut: - Është e pamundur për ty që ta gjesh atë rrugë. Fillimisht duhet të mësosh të duash ndonjë njeri. Ky është hapi i parë drejt Perëndisë. Ti po më pyet për hapin e fundit, ndërsa ende nuk ke bërë as të parin. Shko dhe mëso të duash të tjerët! Postuar me: 2015-04-10 16:23:20

wisdomquotes3

Unë bëra atë që konsiderova të drejtë...

Unë bëra atë që konsiderova të drejtë... Një herë Dan Seni i mençur pa një njeri në rrugë që në supin e tij dukej e ngulur një pjesë nga një shigjetë. Dan Seni ju afrua dhe i tha: - Afrohu të ta heq shigjetën. Por burri nuk pranoi duke i thënë se ishte mësuar me shigjetën në supin e tij dhe se nuk i shkaktonte ndonjë problem të veçantë. Atëherë i mençuri ju sul, e vuri përdhe dhe ja hoqi shigjetën me zor. Burri u largua duke e sharë të mençurin. Pas disa ditësh ama, kur burri kishte filluar të ndjehej më mirë, ai e kuptoi gabimin e tij dhe shkoi tek Dan Seni i mençur  që ta falenderonte dhe t'i kërkonte të falur për fjalët ofenduese që i kishte thënë në takimin e tyre të fundit. - Nuk më intresojnë fare falenderimet e tua, ashtu sikurse as sharjet apo ofendimet e tua. Unë bëra atë që ishte e drejtë dhe që duhej bërë, dhe nëse ti më shan apo më falenderon, ky është krejtësisht problemi yt. Postuar me: 2015-03-18 03:36:37

9398717orig

I vetmi që provoi...

I vetmi që provoi... Një herë, Mbreti vendosi të vinte ne provë oborrtarët e tij, pasi donte të gjente një burrë të denjë që t'i besonte një pozicion shumë të rëndësishëm qeveritar.  Kështu mbreti mbloshi përreth tij burrat më të fortë dhe më të mençur dhe u tha: - Kam për ju një problem shumë të vështirë dhe dua të di se kush nga ju është i aftë ta zgjidhë. Në vijim u tregoi një dryn të madh prej hekuri. - Është dryni më i madh, më i rëndë dhe më i sigurtë në botë. Kush nga ju mund ta hapë? pyeti mbreti oborrtarët e tij. Shumica as që ju afrua drynit. Disa që konsideroheshin të mençur, filluan ta vëzhgonin me kujdes drynin, por shumë shpejt pohuan se nuk mund ta hapnin atë. Vetëm një djalë i ri ju afrua dhe më pas e pa me kujdes filloi ta prekte me dorë në përpjekje për ta hapur, në vijim e shtyu nga vendi i tij dhe u dëgjua një krak. Me një lëvizje e tërhoqi harkun e drynit dhe... mrekullia ndodhi. Dryni u hap! Sekreti kishte qënë i thjeshtë. Dryni nuk ishte i kyçur. Mbreti doli përpara të gjithëve dhe deklaroi: -Do të ta ofroj këtë pozicion qeveritar në oborrin tim, pasi bazohesh jo vetëm tek ato që shikon apo dëgjon por mbështetesh kryesisht tek fuqitë e tua dhe nuk ke frikë ta vësh veten tënde në provë. Postuar me: 2015-03-13 09:37:54

Rreth Nesh
Akropoli i Ri është një Organizëm Ndërkombëtar Kulturor dhe Filozofik që gjëndet në mbi më shumë se 60 shtete dhe mbledh më shumë se 20.000 anëtarë aktivë,
ashtu si edhe qindra mijra miq të cilët shprehen në më tepër se 20 gjuhë të ndryshme dhe përfaqsojnë një gamë të gjërë prejardhjesh kombëtare, besimesh fetare dhe trashëgimish kulturore, duke përbërë një shembull të mrekullueshëm mirëkuptimi dhe bashkëjetese sociale.
Copyright © Akropoli i Ri - Albania 2015 Na kontaktoni Artikuj Aktivitete Me se Merremi Rreth Nesh Kreu